تعرف ايه عن الديزاين

تعرف ايه عن الديزاين

لو انت Graphic designer فاكيد هتكون عديت على الفوتوشوب و ممكن كمان لو عايز تعمل ديزاين لحاجة لكليتك ف كده تقريبا كلنا او أغلبنا عدينا على الفوتوشوب أو جزء منه و اعتقد كلنا عارفين ان الفوتوشوب سهل جدا هو مجرد اداة بتخلص بيها شغل بس الصعوبة كانت في اننا نعمل ديزاين شكله حلو و كتير مننا "استاذ" في الفوتوشوب بس لما بيحاول يعمل ديزاين بيطلع شكله وحش و كل ما نسأل حد يقوللنا انها حاجة ليها علاقة بالذوق الحقيقة ان الكلام دا مش صح اوى يعنى مفيش حاجة متوقفة على ذوقك حلو و لا بصراحه انا بسميها فهلوة و انت مش هتبقى designer ناجح بالفهلوة كل حاجة في الدنيا ليها اساسيات و قواعد لازم تتعلمها و تتقنها عشان تعرف تشتغلها صح ..

يبقى ايه الاساسيات اللي لازم اتقنها عشان ال graphic design ؟

اول حاجه الالوان 

جزء كبير من نجاح اي ديزاين او لوجو او cover بيكون مدى تناسق الالوان لو الديزاين الوانه كلها فاقعة و غامقة هتضايق اللي بيتفرج عليه و عينه هتوجعه و نفس الكلام لو الالوان كلها هادية لان اللي بيتفرج هيحس بالملل لازم يكون في تناسق بين الالوان من حيث الدرجة و الحرارة و النسب في علم كامل اسمه color theory او نظرية الالوان .. بيعلمك كل دا .. ممكن تدورله على كورسات على النت هتلاقي كتير

و ده فيديو قصير بيتكلم عن ال color wheel و الالوان الباردة و الالوان السخنة

https://www.http://goo.gl/7cbzX0 

و ادى كمان كورس color theory من موقع digital tutors

  http://goo.gl/D4q5S2

تانى حاجه التركيب 

التركيب او ال composition هو اللي بيحدد تناسق المشهد بتاعك كله في النهاية اللوجو او الcover او ال بانر اللي هتصممه هو مشهد لازم اللي يبصله يحس انه متناسق و مريح لعينه و لازم يكون توزيع العناصر في الديزاين بتاعك بطريقة معينة بحيث ان يكون في حاجات معينة عين المشاهد تروح عليها اول ما يبص للديزاين بتاعك من ضمن قواعدالـ composition زي ال rule of thirds او ال focus او ال golden ration و دا من ضمن الاسباب ان مش بس الجرافيك ديزاينرز اللي بيدرسو ال composition دا كمان المخرجين و الرسامين و المصورين لان القدرة على تركيب مشهد متناسق من اهم الحاجات اللي لازم تعرفها عشان تجذب عين المشاهد للشغل بتاعك و ادى فيديو لاندرو برايس بيشرح فيه مبادئ ال composition :https://goo.gl/4EwKHv